Meclîsan kongreyên xwe kirin

Li Elmanya û Fransayê kongreyên Meclîsên Jinan hatin lidarxistin. Li eyaleta Tîrol a Awusturyayê jî NCDK’ê kongreya xwe ya çaremîn pêk anî. 

LEHRTE: Li bajarê Elmanyayê Lehrteyê, 1. Meclîsa Jinê ya Şehîd Gulan ava bû. Qisekeran îşaret bi berxwedana Efrînê kir û got, “Li dijî êrişên hêzên dagirker, em ê bi felsefeya Rêberê Gelê Kurd Abdullah Ocalan jiyaneke azad ava bikin.” Di encamê de Devrîm Alp, Awaş Bûrç û Kûdret Dûran ji bo berdevkiya meclîsê hatin hilbijartin.

RENNES: Li bajarê Rennes ê Fransayê, Meclîsa Jinê ya Sara Sêvê kongreya xwe ya 3. li dar xist. Aktîvîsta Tevgera Jinên Kurd a li Ewrûpayê (TJK-E) Axîn Gulo, li kongreyê axivî û pêvajoya siyasî nirxand. Di dawiyê de ji bo meclîsê 3 berdevk û 6 komîsyonên ji 45 kesî hatin hilbijartin. Di dawiya kongreyê de dirûşmên “Jin jiyan azadî” û “Bijî Serok Apo” hatin gotin.

INNSBRUCK: Li bajarê Innsbruck ê eyaleta Tîrol a Awusturyayê Navenda Civaka Demokratîk a Kurd (NCDK) kongreya xwe ya çaran kir. Guler Êlih û Rûbar Gel ji bo hevserokatiya meclîsê hatin hilbijartin.  

NAVENDA NÛÇEYAN