Sînor de derba mergî

Gerîlayanê HPG sînorê Çelê de derbeyê giranî vistî artêşa Tirk a ke vejyaya operasyonî û wazena ravêro herêma Başûrê Kurdistanî ro. Netîceyê çalakîyanê gerîlayan de bi desan leşker amey kiştiş.

19 Haziran 2017 Pazartesi | Kirmanckî

Gerîlayanê HPG sînorê Çelê de derbeyê giranî vistî artêşa Tirk a ke vejyaya operasyonî û wazena ravêro herêma Başûrê Kurdistanî ro. Netîceyê çalakîyanê gerîlayan de bi desan leşker amey kiştiş. 

Artêşa Tirk ke hewl dana ke ravêro Hardê Pawitenê Medya, 16ê Hezîran de, seatanê şan de verbi mintiqaya Zap operasyonek da dest pêkerdiş. Quwetê Tirk raştê xoverdayîşê gerîlayan yena. Gerîlayan vera quwetanê TSK çend çalakîyan viraştî û bi desan lejkeran kiştî.

Goreyê xebera ANF, gerîlayan 17ê Hezîran, seatanê şan de vera leşkerên Tirk ê ke waştî çormeyê dewa Bijnê ke kişta Başûrê Kurdistanî de ya de bi ca bibê, çalakî viraştî. Netîceyê na çalakî de lejkerek merd, yew zî bi dirbetin. Eynî roj gerîlayan herêma Qela Bedewê de zî lejkeran hedef girot û 3 leşker amey kişten. 

Teyareyan 2 dewan bombarduman kerd

Çalakîyanê gerîlayan yê 17ê Hezîrane ra dima, teyareyanê şer ê Tirk bombe vornay dewanê Nerva û Bede ser. Bombardumanî ra dima nê dewan ra agahî nêamey girewten. 

Pirodayîşanê vizêr dihîr de zî gerîlayanê HPG û YJA STAR vera leşkeranê Qela Bedewê çalakîya sûîkastî virazîya û 2 lejkerî merdî. Heto bîn ra çalakîya bi mayine yê gerîlayan de 3 lejkerî amey kişten.

Pirodayîşan de gerîlayeke bi nameyê Mazlûm Nûsaybînî zî weşîya xo kerd vinî. 


ANF/ZAP



53

YENİ ÖZGÜR POLİTİKA